LMdK - Hejmar 43, Hezîran 2013

LMDK PDF

Merivên bêkaxez yên kuweytî li Kuweytê

Wekî welatên din yên dewlemendê petrolê yên Kendavê, Kuweyt jî bi xêra hêzeka karker ya bîyanî ya ku li ber rehma Xwedê ye, dijî. Lê belê “bîdûn” ango welatîyên wê yên ji mafan bêpar hiştî, taybetmendîyeka mîrtîya piçûk e.

Rêyek carinan rêyeka axî ya besît herdu cîhanan ji hev cihê dike. Li alîyê xirab xanîyên nizm yên kevirî yan jî ji tenekeyên pêldayî, yên ku derîyên wan bi qûmaşan hatine girtin, kabloyên elektrîkê yên hema hindikî li ser erdê kişandî, atmosfereka demîbûnê ya dawî lê nayê.

Li Sûrîyeyê pêkhatina şerên wekaletê

Rêjîma Beşar el-Esed a ku Hizbullaha libnanî piştgirîya wê dike, ji nû ve dest bi êrîşên li rojavayê welêt kir. Nêzîkbûneke rûs û amerîkî-yan dide fikirîn ku mimkin e konferanseka navneteweyî li Cenevreyê pêk were. Lê du salan piştî destpêka serhildanê, şoreş ji alîyê aktorên herêmî û navneteweyî ve tê veguhertin û dibe xwedî armancên nakokane yên pir caran baş nayên terîfkirin.

JI ÇAPEMENÎYÊ(43)

Ajansa nûçeyan ya amerîkî Associated Pressê 17ê hezîranê bi sernavê "Kurd ji bo cihekî di şerê navxweyî yê Sûrîyeyê de şer dikin" gotareka Bassem Mroue weşand. Di vê gotara ku rewşa heyî ya nakokîyên di navbera berjewendîyan, hevgirtin û tirsên alîyan de bi kurtî rave dike, kurd wekî alîyê ku di navbera Xelîl û Celîl de mayî tên terîfkirin. Dîroka nakokîyên di navbera kurdan û komên îslamî de yên ku êrişên eskerî dibin ser wan jî di gotarê de cihê xwe digire.

Li dijî zimanê yekane

Bazara yekane, pereyê yekane, zimanê yekane? Bender û pirên wêneyên wan li ser banknotên ewropî sazkirî ji niha ve herikbarîya danûstandinên di navbera bazirganan de bi gewde dike, bêyî ti girêdanê û ti dîrok û paşxanê. Gelo divê xwendekar ji welatê xwe derkevin bêyî ku pêdivîya wan bi ferhengekê hebe? Bi pasaporteka bi tenê ya zimanî, îngilîzîyeka balefirgehê. Dikare li her deverî, nexasim jî li zanîngehên Fransayê were bikaranîn.

 

Çalakîyên Parka Gezîyê

Hin kesên ku li dijî çêkirina AVM (navenda dan û standinê) ya li Parka Gezîyê ya Stenbolê çalakî li dar dixistin di 31 gulanê de bi êrişeka hovane ya polîsan re rû bi rû man. Li dû êrişa hovane ya polîsan, geşepêdaneka ku nedihat hêvîkirin qewimî: çalakîyên "Bila Gezî Parkî nebe AVM!" bi hefteyan ji alîyê hinek  mixalif û dijberan ve dihat çêkirin, lê li dû êrişê, bi hezaran kesên ku heta wê rojê bi bûyerê re ne têkildar bûn, bi carekê de ber bi Meydana Taksîmê û Parka Gezîyê ve meşîyan.

Hejmar 43 - Tabloyên Awder Osman Baqî

Awder Osman Baqî, li başûrê Kurdistanê li bajarê Helepçeyê hatîye dinê. Li Zanîngeha Silêmanîyê perwerdehîya xwe ya hunerî bi awayekî serkeftî qedandîye.

Awder Osman Baqî, hem endamekî çalak yê Rêxistina Hunermendên Kurdistanê, hem yek ji xebatkarên sazîya Navenda Çandê ya Helebçeyê û hem jî endamê Dezgeha Mamosteyên Kurd e.

Hunermend Awder, heta niha tevlî 51 pêşangehan bûye; ji bilî kolaj û enstalasyonan herweha bi wênekêşîyê re jî mijûl bûye. Ji bilî pêşangehên wêneyî, heta niha çend pêşangehên fotografan jî li dar xistîye.