Le Monde diplomatique kurdî, hejmar 51 derket !!!

kapı-it-l--metin-celik
Taxa1Mayis
 

Le Monde diplomatique kurdî, hejmar 51 derket !!!

Le Monde diplomatique kurdî, bi hejmara xwe ya 51ê ve derket pêş xwendevanên kurdî. Rojnameya mehane ku bi çapa dîjîtal weşana xwe didomîne, ji bilî nivîsên redaksîyona kurdî, di hejmara nû de cîh daye dosyayeke fireh a li ser gotarên vîrusa koronayê. Li ser şewba ku cîhan ji gelek alîyan ve êxistî bin bandora xwe, ji perspektîvên cuda yên civakî ve analîzên dewlemend û balkêş rûpelên rojnameyê dagirtine. Hin nivîsên wê ev in:

Philippe Descamps û Thierry Lebel, Tahma şoka klîmatîk

Renaud Lambert û Pierre Rimbert, Şewba cîhanî ya Covid-19 cîhan veguherand...

Cédric Durand û Razmig Keucheyan, Dema plankirina ekolojîk

Félix Tréguer, Acîlîyeta tendirustîyî, bersiva ewlehîyî

Lori M. Wallach, Guhastina-azad, rûpelek divê bê qulipandin

Raphaël Kempf, Hikûmetan biryar da azadîyan û mafan dorpêç bikin

Violette Goarant, Azadî û berpirsîyarîyên li Swêdê

Di nav nivîsên redaksîyona kurdî de hevpeyvîna rojnamevan Jînda Zekioglu ku bi nivîskar, lêkolînvan û mamosteyê fizîkê, bi Celal Temel re çêkirî şayanî xwendinê ye. Celal Temel, di hevpeyvîna xwe de li ser argumenta ku kurdan bi emperyalîstan re tifaq kirine û hatine bikaranîn disekine û bi dorferehî di konteksa kurd, kemalîzm û emperyalîzmê de fikrên xwe parve dike. 

Herweha, xwendevan dikarin di beşa çand û huner ya vê hejmarê de, hevpeyvîna Mela Mihyedîn ya bi hunermend Rewşanê re bixwînin. Rewşan, li ser albuma xwe ya nû, girîngî  û rola muzîkê ya di civakê de jî dîtin û bawerîyên xwe vedibêje. 

Mijareke din ya balkêş ku redaksîyona kurdî cih dayê, hevpeyvîna bi şanoger Aram Taştekîn re ye. Anna Ellermets û Lou-Poko Savadogo ku li Parîsê xwendekarên dibistana avahîsazîyê ne û xebateke bi navê ''A. Floating G.A.P." dimeşînin, bi şanoger Aram Taştekîn re li ser rûxandina şaristanîya li Heskîfê hevpeyvînek amade kirine. LMd-kurdî di vê hejmara xwe de bi fotoyên Cemal Ercan hatiye xemilandin. FOTOYÊN CEMAL ERCAN

Wekî me beré jî dabû xuyakirin, dê xwendevan bikaribin heta mehên havînê bi awayeke beleş ji rojnameyê sûdê werbigirin.

Web: www.diplo-kurdi.com

Facebook: Le Monde diplomatique kurdî

Twitter: @Diplo_Kurdi

Instagram: diplo_kurdi

E-Mail: info@diplo-kurdi.com

Rojnameya LMd-kurdî di bin banê RÛPEL MULTIMEDIA GMBHyê de, bi weşana dîjîtal xizmetê dide xwendevanên kurdî.

Birêveberîya Lmd-kurdî