Hernando Calvo Ospina

Berî pêncî salan, Tengava Berazan

Şoreşa Kubayê, ku di 1ê çileya 1959ê de bi ser ketibû, pir bi lez bûye armanceke sereke ji bo Waşîngtonê. Di pirtûka xwe ya bi nav û deng de, Haynes Johnson weha dibêje: "17ê adara 1960ê, serokkomar Eisenhower destûr da Central Intelligence Agency (CIA) ku pênaberên kubayî bi rêk bixe, entrenman û teçhîz bike da ku hêzeke gerîla ya dij-kastroîst pêk bîne". (1) Tim Weinerê xelatgirê Xelata Pulitzer şirove dike ku ji bo vê yekê, CIAyê bang li heman kesan kir ku sala 1954ê "berîya şeş salan hikûmeta [Jacobo Arbenz li] Guatemalayê ji desthilatdarîyê xistibû)". (2)

Li Havanayê hat dîtin û bihîstin!

Li ber derî, hema bêje timî jinên bi unîformayên kesk notirvanîyê dikin. Çeka hindikan ji wan  di ber wan de li ser rexta wan e. Li dora goleka piçûk, gelek xanî xuya ne, piranîya wan yekqatî ne û di navbera wan de dar û baxçe hene. Li Havanayê sîteya xanîyan ya bi navê El Laguito wisa ye, bi dîwarekî bilind dor lê hatîye girtin, bêyî wezîfedarên ewlekarîyê, bêyî çîtê bi elektrîk û bêyî kameraya çavdêrîyê. Li vir dewleta Kubayê kesayetên navneteweyî dihewîne.