Galerî

Hejmar 37 - Tabloyên Mohammad Ismail

Wênesaz Mihemed Îsmaîl (Mohammed Ismail) sala 1971î li başûrê Kurdistanê ji dayîk bûye. Hunermend Îsmaîl, ji sala 1991î heta 1995an li bajarên Hewlêr û Silêmanîyê pêşangehên xwe yên şexsî yên pêşîn li dar dixe. Ji bilî hunera wênesazîyê li ser elektrîkê perwerdahî dibîne. Herweha, di navbera salên 1992-1995an de, di kovara bi navê Hengê de wek şêwirmendê teknîkî dixebite.

Hejmar 36 - Tabloyên Parwez Zabihi

Parwez
Zabihi (60) ji bajarê Bokan ê Rojhilatê Kurdistanê ye. Ji
sala 1986ê heta 2007ê li paytexta Îngiltere li Londonê jîyaye û
xebitîye.

Hejmar 35 - Tabloyên Ilter Rezan

Ilter Rezan di 1960ê de li Dêrsimê ji dayik bûye. Di salên 1978-1980ê de li Enqereyê perwerdeya pedagojîyê wergirt. Ji ber sedemên polîtîk dev ji perwerdeya xwe berda û li Ewropayê bû penaber. Di 1980yê de li Almanyayê bi cîh bû.

Ilter Rezan di navbeyna salên 1990-1994ê de li bajarê Freiburgê perwerdeya hunerê dît. Bi dû re jî bi salan li bajarê Offenburgê di dibistana hunerê de wek mamosteyê wênesazîyê xebitî. Rezan, ji sala 1997ê ve çar salan li Almanyayê seroktîya Yekîtîya Wênesazên Kurd ku bi pêşengîya Enstîtûya Kurdî hatibû damezirandin kir.

Hejmar 34 - Tabloyên Kîto Sîno

Hunermendê kurd Kîto Sîno li Kurdistana Rojava ji dayik bûye.

Kîto Sîno 1988ê de ji bo perwerdeya bilind çûye Rûsyayê. Perwerdeya xwe ya hunerê li Moskovayê li Akademîya Huner a Stroganov di beşa abîde û dekorasyonê de temam kirîye. Di navbeyna salên 1995-2004ê de wek gestvanekî hunerê li welatên Rûsya, Almanya, Polonya, Holanda, Belçîka û Sûrîyeyê gerîyaye. Hunermend berhemên xwe yên ku li geştvanîyê afirandine li wan welatan hiştiye.

Hejmar 33 - Tabloyên Zouber Yousef

Hunermend  Zouber Yousef di 1968ê de li Khirbat Al-Bayader (Sûrîye) ji dayik bû. Sala 1973ê tevî malbata xwe li Hesekîyê bi cîh bû.

Di 1979ê de li Sûrîyê di beşa wênesazîyê de wek xwendekarê herî serkeftî hat hilbijartin.

Perwerdeya xwe ya bilind di navbeyna salên 1986-1990ê de li Akademîya Huner a Şamê kir. Bi xebata xwe ya “Piçek Mîtolojî” li Akademîya Huner  wek xwendekarê herî serkeftî perwerdeya xwe xelas kir û ji beşa peykertraşîyê bawernameya xwe wergirt.