Galerî

Hejmar 23 - Tabloyên Dara Aram

Dara Aram, wênesazekî nûjen e ku li Torontoyê dijî. Wî Ens-tîtûya Hunerên Bedew a Silêmanî û herweha Koleja Hunerî ya Ontarioyê qedandine. Ji sala 1980ê û vir ve hunermend Dara Aram wêneyan saz dike.

Hejmar 22 - Tabloyên Rêdî Seîd Toprak

Di sala 1983yê de li bakurê Kurdistanê, li bajarê Rihayê, li navçeya Hewagê (Bozova) ji dayik bûye.

Di 2004ê de li Zanîngeha Çukurovayê, Fakulteya Perwerdeyê beşa wêneyê qedandiye û dîsa li heman zanîngehê di 2009ê de lîsansa bilind-mastir qedandîye.

Wênesazê kurd Rêdî Seîd bi xelatên ku di pêşbazîyên wêneyan de bidestxistine balê dikşîne ser xwe. Hîn di zaroktîya xwe de bi evîna xwe ya wênesazîyê beşdarî mîhricana sîyareka gurî (kelaynak) bû û xelata xwe ya yekemîn di 13 salîya xwe de wergirt.

Hejmar 21 - Tabloyên Fehmî Balayî

Fehmî Balayî, sala 1963ê li Berwarî ya bi ser Duhokê ji dayik bûye.

Balayî di 1986ê de xwendina xwe li Enstîtuya Huner a Mûsilê, beşa wênesazîyê bi dawî anîye. Di navbeyna salên 1992-1995ê de li Enstîtuya Huner a Duhokê mamostetî kirîye. Ji sala 1993yê heta 1995ê li Duhokê serokê Yekîtîya Hunermendên Kurdistanê bû.

Sala 1995ê hatiye Almanyayê û li Berlînê bi cîh bûye. Ji wê demê û vir ve li Berlînê dijî û xebatên xwe yên hunermendîyê didomîne.

Hejmar 20 - Tabloyên zarokên Kurd

Wênesazên vê hejmara LMd-kurdî zarok in. Piranî ev wêne dema zarok 4-9 salî bûne hatine çêkirin, hin ji wan zarokan niha bûne 11 heta 14 salî. Zarok, piştî 4 salîya xwe hîn çalaktir dibin û li hember derûdora xwe hêdî hêdî fêrî tevgerandineke serbixwe dibin.

Di wan de têgeha estetîk û hişyarîya çandî xwe dide der. Helbet ev taybetmendî ji bo pêşveçûna zarokan girîng e. Ew hîn ji biçûkatîyê ve kreatîv in. Huner, ji bo wan ne berhem lê belê pêvajoyek e. Zarokên ku wêne çêdikin, hîn afirînêr û xeyalên wan dewlemendtir in.

Hejmar 19 - Tabloyên Ayşe Kazci

Wênasaza kurd Ayşe Kazci di sala 1968an de li Elbîstanê ji dayîk bûye. Di 8 salîya xwe de tevî malbata xwe koçî Berlînê kirine. Di cîwaniya xwe de evîndarîya xwe ya bi rengan re kifş kirîye û di vî warî de hûnera xwe peşve xistîye û perwerdeya xwe li Braunschweigê li Akademîya Hunerên Bedew di beşa wêne de temam kirîye.
Di dawîya perwerdeya xwe de li Spanyayê di Zanîngeha Santanderê de bursek qezenc kir. Li wê derê him fersenda fêrbûna zimanê îspanî bi dest xist û him jî perwerdeya xwe ya hunerê domand.