Galerî

Hejmar 13 - Tabloyên Mahmut Celayir

Di sala 1951an de li Çewlikê hatiye dinê. Di sala 1976an de, li Stembolê, ji Dibistana Bilind ya Hunerên Bedew mezûn bûye. Di navbera salên 1976-1978an de li Eskişehîrê di Beşê Sêwira Dik û Grafîk ya Enstîtuya TV’yê de xebitiye.
Hunermend Celayir, di navbera salên 1982-1984an de li Şanoya Dewletê ya Stembolê wek dîzaynerê dikê kar kiriye û ji sala 1986an û vir de wek wênesazê serbest dixebite. Hunermend Celayir, xebatên xwe yên hunerî li Stuttgart û Stembolê dimeşîne.

Hejmar 12 - Tabloyên Serhad Bapîr

Di sala 1964’an de li Bakûrê Kurdistanê, li bajarê Tetwanê ji dayîk bûye. Ji ber beşdariya tevgerên politîk, di sala 1983’yan de serê wî bi cûntaya Tirkan ya wê demê re kete belayê û lê geriyan.

Di sala 1984’an de, weke penaberekî polîtîk, derbasî Yûnanistanê bû. Ji sala 1987’an heta 1992’yan beşê Wêne û Hunerên Pratîk yê Akademiya Hunerên Ciwan a Zanîngeha Aristotelis a Selanîkê xwend.

Le Monde diplomatique kurdî - Hejmar 11
admin Mi., 20.10.2010 - 14:12
Hejmar 11 - Tabloyên Yûsiv Bekir

Yûsiv Bekir, sala 1971’ê li Efrînê ji dayik bûye.

Di navbera 1990-1994’an de li Şamê, li Akademiya Hunerên Bedew de, beşê wênesayiyê xwendiye û ev beş bi dereceya yekem xilas kiriye.
Sala 1981’ê, hê deh salî bû, di pêşbaziya « zarokên suriyeyî » de xelat wergirtiye.

Sala 1988’an, xelata baştirîn peyker ya Muzeya Neteweyî ya Helebê wergirtiye.

Hunermend heta nuha tev li gellek pêşengehên şexsî an jî komî bûye û zêdetirî bîst pêşengeh li dar xistine.

Li Şam, Heleb, Munîh, Frankfurt, Dusseldorf, Koln, Monako û Stockholmê tev li pêşengehên şaredariyan bûye.

admin Di., 19.10.2010 - 18:36