LMdK - Hejmar 44, Tîrmeh 2013

LMDK PDF

Wezîrê Nadirî û ‘Berevok’a wî

Ev du salên dawî ne ku çendîn car derfet û mecale dibînim ku serdana kurdên me yên Sovyeta berê, nexasim serdana kurdên me yên Asyaya Navîn bikim. Bi rastî jî cihê şanazî û serbilindîyê ye ku kurdên me yên Qazaxistan û Qirgizistanê, tevî ku 77 sal in ji Serhed û Kafkasyayê dûr in; dîsa jî çand, ziman, hûner û edebîyata me parastine, geş kirine û gihandine nifşên me yên îro.

 

Nîqaşên fransî mijara çeka nukleer ji bîr kir

Li gor pirtûka nû ya spî li ser mijara parastinê hatî nivîsin û gihişte ber destê serokkomar, çekên nukleer dê bi rengê General De Gaulle ew terîf kiribûn, bimînin. Careka din, guhertinên di dehsalên dawî de pêkhatî û guhertina tehlûkeyan nehatin hesibandin. Ev jî dibe sedema tehlûkeya kêmbûna kapasîteya Fransayê ya bi çekên xwe yên nukleer tirsandina welatên din.

Peydabûna blokeka atomê li Rojhilatê Ewropayê

Tevî ku Almanya bi darê zorê jî be bernameya xwe ya destberdana ji enerjîya nukleer bi rê ve dibe, cîranên wê yên li rojhilat ji nû ve dest bi avakirina reaktoran dikin. Ji bo Macaristan, Polonya (Lehistan), Komara Çekê û Slovakyayê mesele bidestxistina serxwebûna wan ya enerjetîk ji gaza rûs e. Lê belê Moskova wê bi dilê xwe reaktorên nukleer bifiroşe kevne-dûvikên xwe...

Janos Hajdú yê bi simbêlên bi tertîb û awirên hişk razîbûneka jidil nîşan dide: "Santrala nukleer tiştê herî baş e ku hatî serê me".

Ҫawa sektora tendirustîyê bû armanceka jeopolîtîk

Ne hezkirina ji yên din, ne jî hezkirina ji civatê dikare bibe sedema îhtîmama hêzên mezin bi tendirustîya global re. Lê belê mimkin e sedem bibe berjewendîyên wan yên ewlekarî, yan yên aborî yan jî yên jeopolîtîk. Belê Ewropa dikare pereyê fonên ji sazîyên ewropî hatî standin baştir bikar bîne.

Samsung yan jî împaratorîya tirsê

Bi saya tableta xwe ya bi navê Galaxyê Samsung derket ser dikê û heta ji Appleê jî bihurî. Lewre Samsung û rikberê wê ketin nava şerekî bê wijdan li dadgeh û sazîyên navneteweyî. Şirketa piralî ya Koreya Başûr ji qada elektronîkê dibihure, belê Samsunga ku holdîngeka ji gelek şirketên cihê pêkhatî ye, ewqasî bi hêz e ku di heman demê de têsîrê li sîyasetê, li edaletê û li çapemenîya welêt jî dike.
Miraz Bezar: Sînema, şêwaza herî baş ya vegotina çîrokan e ! admin Fr., 02.08.2013 - 10:45
Sînema, bêguman di nav hunerên bedew de xwedî ciheka taybet û bêhempa ye. Bandora wê ya yekser ya li ser civatê, ne mijara nîqaşê ye. Hêza xwe ji bi hevre bikaranîn û di hundirê xwe de hewandina gelek hunerên din digire. Senaryoyeka balkêş, replîkên bijare, lîstikvanîyek artîstîk, muzîkek li çîrokê hatî, ronahî, makyaj, efekt û gelek elementên din bi honandineka senkronîze tên cem hev û berhemek hunerî derdikeve meydanê. Sînemaya ku sedsalîya keşifa xwe li dû xwe hiştî li seranserî cîhanê popularîteya xwe her parast û xwe pêşve bir.

Dema pesnê azadîyan tê dayîn û koletî tê rewakirin

Sedema israra heyranîya lîberalîzmê, nezanîna bi rengê nirxandina wê ye. Dema meriv beşa wê ya aborî rexne bike, partîzanên wê li ser para wê di pirrengîya sîyasî û çandî de israr dikin. Bê navber guhertina mijarê dike ku meriv ji bîr bike ku lîberalîzm sîstema koledarîyê wekî tiştekî erênî dinirxand. Li alîyê din jî dibe sedema meriv pesnê neolîberalan bide bi pêkanîna guhertinên serxwebûn pêk anîn lê ku lîberalîzm pir caran li dijî wan rabûbû.

Kî dê ava Ҫemê Nîlê bi dest bixe?

Dema Etîyopyayê bi awayekî fermî destpêka avakirina bendava bi navê Vejînê li ser çemê Nîla Şîn da zanîn, rewşa jeopolîtîk ya deşta Nîlê bi carekê de guherî. Li Misirê ev biryar bû sedema tirseka mezin ya mayîna bê av û biryarê herweha alozîyên herêmî di mijara kontrolkirina çemî de gur kirin.

Di 10ê hezîrana bihurî de, serokdewletê Misirê Muhamed Mursî ev gef xwaribû "wekî serokdewlet ez vê yekê piştrast dikim ku em tevahîya alternatîfan li ber çavên xwe digirin.

Ji tengavîya Sûrîyeyê ber bi şerê herêmî ve

Amadekarîyên konferansa Cenevre 2yê dewam dikin, di heman demê de serketina hêzên hikûmetê yên ku Hizbullah pişta wan digire li Qusayrê û biryara Dewletên Yekbûyî yên Amerîkayê ya çekdarîkirna serhildêran mohra xwe li rewşa eskerî da. Tu tiştê ku îşaret bi dawîyeka nêzîk a şerî bike nîne. Berevajî: şer û alozî gereke bêhtir mezhebî dide xwe û li tevahîya herêmê belav dibe.