Kirêt, qirêj û pîs

Translator

<p>Piştî axaftina meksîkî yê operaya qerfî ya Zapatîstan,  derketina  Chávezê li ser herdu dikên Amerîkaya Latîn û ya OPECê (Rêxistina Welatên Ȋxrackerê Petrolê), ji niha ve tehdîdeka sereke ye ji  bo parzemînê: heke hevkarîya populîst ya Venezuela- Kuba- Haîtîyê wê mezin bibe û Kolombîyayê jî bigire nava xwe, tevahîya pêşketinên demokratîk yên herêmî wê bikevin ber lêpirsînê.</p>
<p>Alexandre Adler, nivîskarê ceriban-dinan, 23yê çirîya pâşîna 2000î.</p>
<p>Retorîka wî ya wekî agirî ya ku xizanan li dijî dewlemendan gij dike, sedema herî mezin ya pirsgirêkê ye.</p>
<p>France Info, Sê roj piştî Derbê 11ê nîsana2002yan.</p>
<p>Bi fikra giştî Hugo Chávez yê ku li dijî wî pêvajoyeka dij-şorişgerî da destpêkirin bêyî ku şorekê bike, wê nemîne dawîya salê.</p>
<p>Jacques Julliard, edîtor, 6ê hezîrana 2002yan.</p>
<p>Ew çiqasî kirêt bin, ewqasî chavîst in. Eger diranên wan tunebin, ew bêguman alîgirê Chávez in.  Li derdora xwe binêrin, li vir <em>(taxeka dewlemend ya jêre adet e li dijî Chávez be) </em>xelq xweşik e. <em>Mixalifekî di Financial Timesa 21-22 kanûna paşîna 2002yan behsa wî hatî kirin</em>.</p>
<p>Hugo Chávez xeyal dike ku Simón Bolívarekî modern e, lê ew bi tenê serserîyekî ji rêzê ye.</p>
<p>Nancy Pelosi, lîdera Partîya Demokrat di Meclîsa Nunêran ya Dewletên Yekbûyî yên Amerîkayê de, 21ê îlona 2006an.</p>
<p>(Chávez)</p>
<p>merivekî bi awayekî eşkere antîsemît e, ew herweha merivek e ku tepisandineka bi komên çekdar û ekîbên taybet yên bi kuştinê wezîfedarkirî bi cih dike, ew çavkanîyan desteser dike û tevahîya çapemenîya welatê xwe dîl digire.</p>
<p>Ariel Wizman, nivîskarê kronîkan Canal Plus, 20ê çirîya paşîna 2007an.</p>
<p>Tu çima hiş nabî!</p>
<p>Kralê espanyolî Juan Carlos I.  ku di civîna bilind ya îbero-amerîkî ya sala 2007an  de ji Hugo Chávez re dibêje.</p>
<p>Musolînîyekî wekî meymûnan.</p>
<p>Nivîskarê meksîkî</p>
<p><em>Carlos Fuentes Hugo Chávez terîf dike, 14ê sibata 2008an.</em></p>
<p>Ez û Ehmedînecad, em dê ji devê derîyê Qesra Serokdewletîyê, gule û fuzeyan li Washingtonê bibarînin. Ji ber ku em dê êrîşê bibin ser Washingtonê.</p>
<p>Axaftina qutkirî ya Hugo Chávez ku Agence France-Presse di 9ê kanûna paşîna 2009an de bi kar anî.</p>
<p>Nûnerên emperîyalîzmê îdîa dikin ku (…) Ehmedînecad hatîye Caracasê, lewre niha piştî nîvrojê saet di didu û nîvan de, xebero ez û Ehmedînecad li kîlera Qesra Serokdewletîyê ne, û em dê nîşanê li Washingtonê bigirin da ku guleyên mezin û fuzeyan li Washingtonê bibarînin, ji  ber ku em dê erîşî Washingtonê bikin.</p>
<p>Tevahîya axaftina wî ye.</p>
<p>Koreya Bakur li wir e, belê Koreya Bakur li wir e.</p>
<p>Analîza <em>Franz-Olivier Giesbert li ser Kanala Parlemanê  (LCP),31ê gulana 2012an</em>.</p>
<p>Venezuela, welatekî sosyalîst, ew bû karîkatura herî baş a ultra-lîberalîzmê. <em>"Spécial investigation" (Lêkolîna taybet), kanala televîzîyona fransî Canal Plus,8ê çirîya paşîna 2012an.</em></p>
<p>Cîhaneka bipêşneketî ye ku berîya demokrasî û ferdîyetê hebû, di serdemeka ku meriv bi tenê madeyek bû, nîv xwedayek tercîh dikir û erka kapasîteya xwe ya înîsîyatîf û biryardanê dida vî xwedayî da ku tevahîya biryarên girîng li şûna wî bide.</p>
<p>Mario Vargas Llosa, Xelata Nobelê ya Wêjeyê, behsa Venezuelaya Chávez dike, 10ê adara 2013an.</p>
<p><em>– Le Monde </em>:Gelo retorîka we ya şorişger rewşa bêmisamehetîya heyî xurt nekir?</p>
<p>– Hugo Chávez: li gorî min îro sedema herî mezin ya nebûna misameheyê çapemenî ye.</p>
<p>Le Monde, <em>18 kanûna paşîna 2002an.</em></p>
<p>Wergera ji fransî: Feryal Guladawîya</p>